Keybanû Ya Mala Mûsa

Lorî lorî... kurê min lorî...Çavên xwe bigire, bila xewna te bibe mîna zozanên me,Bila bîna gulên çiyan ji sînga te bê.Dayîka te qurban, vê axê gelek derd dîtin,Gelek ferman û zilm li ser vê xakê re derbas bûn.Me hêsirên xwe rijandin nav ava spî,Me êşa xwe di nav şikeftên tarî de veşart.Lê tu rabe, mîna taveke geş li ser lûtkeyan hiltê,Nebe xizmetkarê zilmê, bibe xizmetkarê heqîqetê lorî...Lorî lorî... berxê min lorî...Heya tu dibî mêrekî camêr û serbilind,Heya tu dibî dengê kewên ser zinaran,Ez ê bi lorîkan birînên te derman bikim.Xewa te bibe bihuşt, şiyarbûna te bibe azadî...Lorî lorî... canê dayîka xwe lorî...”